ძირითადი გამოწვევა არის სახელმწიფო მართვის სიტემის ეფექტურობის მომატება, “Forbes-ის კვირასთან” ინტერვიუში ამბობს საქართველოს ეკონომიკის ყოფილი მინისტრი გიორგი ქობულია.
მისი განცხადებით, მთავრობის მიერ სწორი ეკონომიკური პოლიტიკის გატარების შემთხვევაში, ეკონომიკური ზრდის მაჩვენებლის გაორმაგება არის შესაძლებელი.
“ეკონომიკური ზრდა, რომელიც ჩვენ გვაქვს 4-5%, მაინც უფრო ინერციულია, რაც განპირობებულია იმით, რომ საწყისი დონე არის უფრო დაბალი. ჩვენ ვიცით, რომ $4000 ფარგლებშია მშპ ერთ სულ მოსახლეზე. რა თქმა უდნა, რაც უფრო დაბალია დონე, დიდ ზრდას შეგვიძლია მივაღწიოთ და მეორე ეს არის ის, რომ ჩვენთან არის ძალიან ლიბერალური კანონმდებლობა, ეს ორი ფაქტორი ხელშემწყობია ზრდისთვის, ინერციული ზრდისთვის. და ამავე დროს საქართველოს ეკონომიკაში არის უფრო დიდი პოტენციალი. და როგორც არერთხელ მისაუბრია, იმ შემთხვევაში თუ მაქსიმალურად გამოვიყენებთ პოტენციალს ჩვენი ძალისხმევის მობილიზაციას შევძლებთ, შეგვიძლია 7 დან 9 % მდე გავაორმაგოთ ეს ეკონომიკური ზრდა. ამისთვის რა თქმა უნდა, ძირითადი გამოწვევა არის სახელმწიფო მართვის სიტემის ეფექტურობის მომატება,”- ამბობს ქობულია.