ისრაელის პრემიერ-მინისტრის ბინიამინ ნეთანიაჰუს პარტია „ლიკუდი“ საპარლამენტო არჩევნებში მცირედით ლიდერობს. არჩევნები გუშინ გაიმართა.
ცენტრალური საარჩევნო კომისიის მონაცემებით, ხმების 43 პროცენტის დათვლის შედეგად „ლიკუდი“ ხმების 27,59 პროცენტს აგროვებს, ოპოზიციური ცენტრისტული ბლოკი „ლურჯი და თეთრი“- 26,04 პროცენტს.
წინასწარი მონაცემები ჯერჯერობით არ ემთხვევა ეგზიტპოლებს. ადგილობრივი ტელეკომპანიების მიერ ჩატარებული გამოკითხვების მიხედვით მცირე უპირატესობით „ლურჯი და თეთრი“ იმარჯვებს.
ორივე პარტიის ლიდერები ნეთანიაჰუ და ბენ განცი მხარდამჭერების წინაშე უკვე გამოვიდნენ გამარჯვების სიტყვით. თიოეულმა მათგანმა თავი მომავალ პრემიერ-მინისრტად გამოაცხადა.
ისრაელის საპარლამენტო არჩევნების ისტორიას თუ გადავხედავთ, ამ დრომდე, არცერთა პარტიას არ მოუპოვებია საპარლამეტნო უმრავლესობა. ამის გამო, პარტიები კოალიციურ მთავრობებს ქმნიდნენ. არჩევნების შედეგების მიხედვით, სავარაუდოდ, ამჯერადაც კოალიციური მთავრობის ფორმირება მოხდება.