ჩემმა დაცვის ქვეშ მყოფმა დიდი ხნის ნაცნობ გოგონას კლუბური ნარკოტიკი ექსტაზი, ჩანს რომ გადასცა. ეს რამდენად სარწმუნოა სხვა საკითხია, - განაცხადა ჟურნალისტებთან კლუბებში სპეცოპერაციისას ერთ-ერთი დაკავებულის ადვოკატმა, ნინო ლალიაშვილმა.
"ჩვენ, რა თქმა უნდა, დავაყენებთ შუამდგომლობას აღმკვეთი ღონისძიების ნაკლებად მსუბუქი სახის გამოყენებაზე და ეს არის გირაო.
რაც შეეხება სხვა გარემოებებს, ჩვენ შევისწავლეთ ყველა მტკიცებულება, რომელიც ბრალდების მხარემ გადმოგვცა , ასევე ის მასალები, რომელიც პროკურატურამ გაავრცელა. ჩემმა დაცვის ქვეშ მყოფმა დიდი ხნის ნაცნობ გოგონას კლუბური ნარკოტიკი ექსტაზი, ჩანს რომ გადასცა. ეს რამდენად სარწმუნოა სხვა საკითხია. მხოლოდ ეს მტკიცებულებებია", - განაცხადა ადვოკატმა ნინო ლალიაშვილმა.
მისივე თქმით, ბრალდებული წარდგენილ ბრალს არ აღიარებს.
ცნობისთვის, 12 მაისს კლუბ „ბასიანში“ და კაფე „გალერიში“ სპეცოპერაცია ჩატარდა, რის შედეგადაც დაკავებულია ნარკოტიკული საშუალების გამსაღებელი 8 პირი.