პარტია „ქართული ოცნება-დემოკრატიული საქართველოს“ თავმჯდომარის, ბიძინა ივანიშვილის განცხადებით, ქვეყანაში აღარ არსებობს ელიტური კორუფცია და როგორც არასდროს, თავისუფალი და დაცულია ბიზნესი, რაც ქვეყანაში დოვლათის შექმნისა და კეთილდღეობის მთავარი საფუძველია.
როგორც პარტიის ყრილობაზე სიტყვით გამოსვლისას ივანიშვილმა განაცხადა, საქართველოში დღეს სრულად დაცული და ხელშეუხებელია ერთ-ერთი მთავარი სოციალური ინსტიტუტი, ადამიანის თავისუფალი განვითარების ძირითადი საფუძველი – კერძო საკუთრება, რომელიც წინა ხელისუფლების დროს ფეხქვეშ გათელილი და განადგურებული იყო.
მისი განცხადებით, ქვეყანაში აღარ არსებობს ელიტური კორუფცია და როგორც არასდროს, თავისუფალი და დაცულია ბიზნესი, რაც ქვეყანაში დოვლათის შექმნისა და კეთილდღეობის მთავარი საფუძველია.
„აღარ არსებობს ელიტურაული კორუფცია, ხელისუფლებასთან შეზრდილი ბიზნესმენების მიერ ხელში ჩაგდებული და მონოპოლიზებული სფეროები, სადაც ფეხის შედგმის გაფიქრებაც კი ჩვეულებრივ მეწარმეს მრავალწლიან პატიმრობად და მთელი ქონების დაკარგვად უჯდებოდა. სრული პასუხისმგებლობით ვაცხადებ, რომ დღეს, ისე როგორც არასდროს, საქართველოს ისტორიაში, თავისუფალი და დაცულია ბიზნესი – ქვეყანაში დოვლათის შექმნისა და კეთილდღეობის მთავარი საფუძველი, რაც ჩემთვის უდიდესი ბედნიერებაა“, – განაცხადა ბიძინა ივანიშვილმა.
ცნობისთვის, ბიძინა ივანიშვილი პარტია „ქართული ოცნება-დემოკრატიული საქართველოს“ თავმჯდომარედ დღეს პარტიის მეხუთე ყრილობაზე აირჩიეს.
