"დღევანდელ სასამართლო პროცესზე ბრალდების მხარე გამოიკვლევს კომპლექსური ექსპერტიზის დასკვნას, ასევე გამოიკვლევს ნივთიერ მტკიცებულებებს, რომლებზეც ჩატარდა ექსპერტიზა. გამოკვლეული იქნება ასევე ის ორი დანა, რომელითაც ბრალდების მხარეს მიაჩნია, რომ გარდაცვლილებს დაზიანებები მიაყენეს", - განაცხადა ჟურნალისტებთან ხორავას ქუჩაზე მომხდარი მკველობის საქმის პროკურორმა, ზვიად ფხაკაძემ.
მისი განმარტებით, ექსპერტიზა კომპლექსური იყო, რის გამოც, კვლევას დიდი დრო დასჭირდა.
"ბრალდების მხარემ როგორც კი მიიღო კომპლექსური ექსპერტიზის დასკვნა, დაუყოვნევლივ წარადგინა სასამართლოზე. ასევე დაცვის მხარეს მისცა შესაძლებლობა, მტკიცებულებების გამოკვლევის. დაცვის მხარესთან შეთანხმებით, ნივთმტკიცებების გამოკვლევა დღევანდელ პროცესზე მოხდება. ჩვენ შეგვეძლო რამდენიმე დღით ადრე გადაგვეცა ეს ნივთიერი მტკიცებულებები, მაგრამ დაცვის მხარის მოთხოვნა იყო, რომ ნივთიერი მტკიცებულებები დღევანდელ სხდომაზე გამოგვეკვლია. რაც შეეხება ექსპერტიზის ჩატარების დროს. ექსპერტიზა იყო კომპლექსური, მასში რამდენიმე ექსპერტი მონაწილეობდა და შესაბამისად კვლევას დასჭირდა გარკვეული პერიოდი", - აცხადებს ფხაკაძე.
ცნობისთვის, პირველ დეკემბერს, ხორავას ქუჩაზე მოზარდებს შორის სისხლიან გარჩევას, ორი არასრულწლოვნის სიცოცხლე ემსხვერპლა.