მე ვარ ადამიანი, რომელსაც შეუძლია, ყველა თემაზე ისაუბროს, მაგრამ – შიგნით, - ამის შესახებ პარლამენტის იურიდიულ საკითხთა კომიტეტის თავმჯდომარემ, ეკა ბესელიამ განაცხადა.
მისი თქმით, ის არჩევს საკითხებს - რაზე უნდა ისაუბრო საჯარო სივრცეში და რაზე არა. მისივე თქმით, პოლიტიკაში ამ ზღვარის დაცვა ძალიან მნიშვნელოვანია.
ბესელიამ გედევან ფოფხაძესთან დაკავშირებით განაცხადა, რომ გედევან ფოფხაძე უმრავლესობიდან არ წასულა და ეს პროცესი ნურავის ნუ ეჩქარება, ვისაც ძალიან ეჩქარება, სულ ტყუილად.
“მგონია, რომ ასეთ საკითხებზე საჯარო დისკუსიები არ მომწონს და ეს ამხანაგური სასამართლოებიც ძალიან უხერხულია. უმრავლესობის შიგნით საჭიროა შეხვედრა. ვიცი, რომ ამ შეხვედრას ელოდება გედევან ფოცხაძეც. მას არავითარი ოფიციალური პროცედურები არ დაუწყია და არავითარი განცხადება არ დაუწერია. მან თქვა, რომ რაღაც საკითხები გასარკვევია და ეს უმრავლესობის ფორმატში უნდა მოხდეს. საჯარო განხილვები, ვის რა მოეწონა, არ მოეწონა, რატომ არ მოეწონა, არ მგონია, რომ კარგი და ჯანსაღი პროცესი იყოს. რაღაც ამხანაგური სასამართლოების სახეს იღებს. ვინც გედევან ფოფხაძის განცხადებებზე ნაჩქარევ შეფასებებს აკეთებს, როგორც ჩანს, ეჩქარებათ. თუ ვინმე არის ისეთი, მგონია, რომ მოცდა მოუწევს”, – განაცხადა ეკა ბესელიამ.