არასდროს და არასდროს არ უნდა ვემონებოდეთ ვინმეს ახირებას, - ამის შესახებ დეკანოზ გიორგი მამალაძის ადვოკატმა მიხეილ რამიშვილმა თბილისის სააპელაციო სასამართლოში განაცხადა.
მისი თქმით, მამა გიორგი საპატრიარქოს ქონებებთან დაკავშირებით თავის სამსახურს კეთილსინდისიერად ასრულდება, ის პატრიარქის თხოვნით და ბრძანებით იყო ამ სამსახურის უფროსად დანიშნული, თუმცა, გარკვეულ, მაღალი იერარქიის პირებში მისი ამ თანამდებობაზე ყოფნა მიუღებელი იყო.
"საქმეში არ არსებობს არანაირი მტკიცებულებები, გამოძიება თავიდანვე არაობიექტური და უსამართლო იყო. ჩვენს დასკვნით სიტყვაში ხაზი ჰქონდა გასმული, რომ გარკვეულ ჯგუფს მამა გიორგის წინააღმდეგ ინტერესები ჰქონდათ. ამავდროულად, დეტალურად შევეხეთ, თუ რამდენად უკანონო იყო საქალაქო სასამართლოს მოსამართლის ბესიკ ბუგიანიშვილის განაჩენი. მისი გადაწყვეტილება ყველანაირი სამართლებრივი ჩარჩოდან იყო გასული. ის არ პასუხობდა იმ სტანდარტებს, რომელიც ობიექტური განაჩენის გამოსატანად მოსამართლეებს ევალებათ. შორენა თეთრუაშვილი და გარკვეული ჯგუფი ყოველთვის გამოხატავდნენ მსგავს შეხედულებებს ამა თუ იმ პირის მიმართ. მამა გიორგი საპატრიარქოს ქონებებთან დაკავშირებით თავის სამსახურს კეთილსინდისიერად ასრულდება, ის პატრიარქის თხოვნით და ბრძანებით იყო ამ სამსახურის უფროსად დანიშნული, თუმცა, გარკვეულ, მაღალი იერარქიის პირებში მისი ამ თანამდებობაზე ყოფნა მიუღებელი იყო. თუმცა მას არ გადაუდგამს ისეთი ნაბიჯი, რომელიც პატრიარქის ერთგულებას საფრთხეს შეუქმნიდა. აქედან გამომდინარე, დეკანოზი გიორგი მამალაძე გარკვეული პირებისთვის მიუღებელი იყო. პირდაპირ შემიძლია გითხრათ, რომ ეს ყველაფერი გარკვეული პირების მიერ დაგეგმილი, ორგანიზებული და ყოველგვარი მორალისგან გასული, თითქოსდა ვითომ დანაშაულის აღმოფხვრა, რომელიც ბუნებაში არ არსებობს. დღემდე ვერ დაადგინეს და ვერც დაადგენენ, არც არსებობს ციანიდის გამსაღებელი, ეს არის ყველაფერი სამართალდამცველების მიერ ჩადებული, თუ ვისგან, სუს-ისგან, პროკურატურისგან, აეროპორტის ძალოვანი სტრუქტურებისგან, ეს მათ გაარკვიონ. ვიმედოვნებ, რომ მოსამართლეები დამოუკიდებლები იქნებიან და საქართველოში ერთხელ და სამუდამოდ უნდა დაიწყოს მართლმსაჯულების აღსრულება, რომელსაც სამართლიანობა ჰქვია. არასდროს და არასდროს არ უნდა ვემონებოდეთ ვინმეს ახირებას", - განუცხადა ჟურნალისტებს დეკანოზ გიორგი მამალაძის ადვოკატმა მიხეილ რამიშვილმა.
ცნობისთვის, თბილისის სააპელაციო სასამართლოში დასრულდა დეკანო გიორგი მამალაძის საქმის განხილვა. დღეს დაცვის მხარემ მხოლოდ დასკვნითი სიტყვა წარმოთქვა. დღევანდელ პროცესზე მთავარ მსჯავრდებულ მამალაძესაც საბოლოო სიტყვა უნდა წარმოეთქვა, თუმცა დროის სიმცირიდან გამომდინარე, ეს ვერ მოესწრო. შემდეგი პროცესი 7 თებერვალს ჩაინიშნა. ამ დღეს დაცვის მხარეები რეპლიკებით წარსდგებიან და საბოლოო სიტყვას დეკანოზიც წარმოთქვამს.
შეგახსენებთ, დეკანოზი გიორგი მამალაძე თბილისის საქალაქო სასამართლომ 5 სექტემბერს, პატრიარქის მდივან-რეფერენტის, შორენა თეთრუაშვილის განზრახ მკვლელობის მომზადებისთვის გაასამართლა.
