სოციალურ ქსელებში განხილვის საგნად იქცა გავრცელებული ფოტო, რომელიც უკრაინაში, პროკურატურის თანამშრომელთა დღესთან დაკავშირებით გამართულ ცერემონიალზეა გადაღებული.
ფოტოზე, რომელმაც მძაფრი რეაქცია გამოიწვია, აღბეჭდილია უკრაინის გენერალური პროკურორი იური ლუცენკო, რომელიც მუხლმოდრეკილი კოცნის პროკურატურის ახალ დროშას, დროშა კი უკრაინის პრეზიდენტს უჭირავს ხელში.
ფოტო სოციალური ქსელის მომხმარებლებმა მრავალმხრივ გააშარჟეს. ზოგიერთ ფოტოზე დროშა ასდოლარიანი კუპიურით არის შეცვლილი, ზოგ შარჟში დროშის ნაცვლად გამოსახულია კუბორკული პლედი, ფოტოს კი სოციალური ქსელების მომხმარებლებმა ,,მასონური რიტუალი“ უწოდეს.
