შშ-ს პრეზიდენტი დონალდ ტრამპი სახელმწიფოს სასამართლო სისიტემას აკრიტიკებს. მისი აღშფოთება იმ ფაქტმა გამოიწვია, რომ ეროვნული უსაფრთხოების საკითხებში მისი ყოფილი თანაშემწისგან, მაიკლ ფლინისგან განსხვავებით ჰილარი კლინტონი არ წარდგა სასამართლოს წინაშე.
„მაშ, გენერალმა ფლინმა FBI მოატყუა და მისი ცხოვრება განადგურებულია, ხოლო თაღლითმა ჰილარი კლინტონმა ფიცის დადებისა და პროტოკოლირების გარეშე „დაკითხვებზე“ უამრავჯერ მოიტყუა და მას არაფერი დაემართა. გახრწნილი სისტემა თუ ორმაგი სტანდარტებია?“, - დაწერა აშშ-ს პრეზიდენტმა „ტვიტერის“ პირად გვერდზე.
ჰილარი კლინტონის ელექტრონული ფოსტის სერვერის ირგვლივ სკანდალი 2015 წლის მარტში მოხდა. როგორც მაშინ გაირკვა, ჰილარი კლინტონმა პირადი ელექტრონული ფოსტა სამსახურეობრივი მიზნებისთვის გამოიყენა. მაიკლ ფლინმა კი ბრალი აღიარა, რომ გამოძიების ფედერალური ბიურო მოატყუა დაკითხვისას, რომელიც 2016 წელს მის აშშ-ში რუსეთის ელჩთან, სერგეი კლისლიაკთან კონტაქტებს ეხებოდა.
