აფგან მუხტარლის საქმის შემდეგი მოსმენა 14 დეკემბერს გაიმართება. ამის შესახებ სოციალურ ქსელ ფეისბუკში აზერბაიჯანელი ჟურნალისტი ჰადიჯა ისმაილოვა წერს. მისივე თქმით, სასამართლომ დაცვის მხარის შუამდგომლობები არ დააკმაყოფილა.
მუხთარლის სასამართლო პროცესი აზერბაიჯანში დღეს დაიწყო. აფგან მუხტარლი თბილისიდან 29 მაისს გაუჩინარდა. ჟურნალისტს ბაქოს საქალაქო სასამართლომ წინასწარი სამთვიანი პატიმრობა მიუსაჯა. პროკურატურამ მას ბრალი კონტრაბანდის, სახელმწიფო საზღვრის უკანონო გადაკვეთისა და პოლიციისთვის დაუმორჩილებლობის მუხლებით წარუდგინა.
