არგენტინაში ადამიანის უფლებების დარღვევაში ბრალდებული 48 ყოფილი სამხედრო მოსამსახურე გაასამართლეს. 29 მათგანს სამუდამო პატიმრობა, 19-ს კი 8-დან 25 წლამდე თავისუფლების აღკვეთა მიესაჯა.
მათ ბრალი 1976-1983 წლებში არგენტინაში სამოქალაქო-სამხედრო დიქტატურის პერიოდში 789 ადამიანის მკვლელობაში დასდეს. კიდევ 6 ბრალდებული, მათ შორის ყოფილი ფინანსთა მინისტრი ხუან ალემანი სასამართლომ უდანაშაულოდ ცნო.
