სამხედრო კონფლიქტის შემთხვევაში, ჩრდილოეთ კორეის რეჟიმი სრულად განადგურდება. ამის შესახებ გაეროში ამერიკის შეერთებული შტატების ელჩმა განაცხადა. ნიკი ჰეილიმ მსოფლიოს ჩრდილოეთ კორეასთან დიპლომატიური და სავაჭრო ურთიერთობების გაწყვეტისკენ მოუწოდა.
„ გაეროს სანქციების ფარგლებში ყველა ქვეყანამ უნდა გაწყვიტოს ჩრდილოეთ კორეასთან დიპლომატიური ურთიერთობა, უნდა შეზღუდონ სამხედრო, სამეცნიერო-ტექნიკურ და სავაჭრო სფეროებში თანამშრომლობა. მორიგი ბალისტიკური რაკეტის გაშვებით ჩრდილოეთ კორეის ლიდერმა საკუთარი არჩევანი გააკეთა, რის შედეგადაც მსოფლიო საომარ ვითარებას მიუახლოვდა. ჩვენ არასდროს ვცდილობდით ჩრდილოეთ კორეასთან ომს, თუმცა ომის შემთხვევაში უდაოა, რომ ჩრდილოეთ კორეის რეჟიმი სრულად განადგურდება,"- აღნიშნა ჰეილიმ
