საქართველოს ყოფილი პრეზიდენტისა და ოდესის ყოფილი გუბერნატორის, მიხეილ სააკაშვილის მტკიცებით, უკრაინის პრეზიდენტმა პეტრო პოროშენკომ სახელმწიფო გადატრიალების მცდელობის ბრალდებით მისი დაპატიმრების ბრძანება გასცა. ამის შესახებ სააკაშვილმა დღევანდელ პრესკონფერენციაზე განაცხადა.
„დღეს გავიგე, რომ პეტრო პოროშენკომ საბოლოოდ გადაკვეთა წითელი ხაზი და გასცა ბრძანება ჩემი დაპატიმრების შესახებ უკრაინაში სახელმწიფო გადატრიალების მცდელობისა და ოდესაში რაღაც გამოგონილი საქმის გამო“, - აღნიშნა სააკაშვილმა.
მისივე თქმით, შესაბამისი დავალება პოროშენკომ უკრაინის გენერალურ პროკურატურას და უშიშროების სამსახურს მისცა. აღნიშნულმა უწყებებმა კი ბრძანება 2-3 დღის განმავლობაში უნდა შეასრულონ.
