საერთაშორისო ტრიბუნალის მიერ ბრალდებულმა ბოსნიელ ხორვატთა ყოფილმა გენერალმა სლობოდან პრალიაკმა სავარაუდოდ თავის მოკვლა სცადა. ამის შესახებ ბიბისი ნიუსი იტყობინება. გავრცელებული ინფორმაციით, სააპელაციო პალატის სხდომაზე მჯავრდებულმა საწამლავი დალია. ინციდენტის გამო სხდომა შეჩერდა, ტრანსლაცია კი შეწყდა. სასამართლოს პირველი ვერდიქტით პრალიაკს 20 წლიანი პატიმრობა ჰქონდა მისჯილი. სააპელაციო პალატამ განაჩენი ძალაში დატოვა, რის შემდეგაც განსასჯელმა გაურკვეველი სითხე დალია და განაცხადა, რომ საწამლავი მიიღო. მისი მდგომარეობის შესახებ ჯერჯერობით არაფერია ცნობილი. 6 სხვა განსასჯელთან ერთად პრალიაკს ბრალი სამხედრო დანაშაულში ედება.
