ესპანეთში ქართული მაფიის წინააღმდეგ მიმდინარე სპეცოპერაციის ფარგლებში დაკავებულებს შორის ე.წ. კანონიერი ქურდის, ლაშა შუშანაშვილის ძმის, კახა შუშანაშვილის ცოლია. ამის შესახებ ესპანური გამოცემა ლა ვანგუარდია იტყობინება. ამავე ინფორმაციით, დღეს დილიდან ესპანეთში კატალონიასა და მადრიდში ქართული მაფიის წინააღმდეგ მასშტაბური სპეცოპერაცია მიმდინარეობს. სპეცოპერაციის ფარგლებში 16 პირია დაკავებული. დანაშაულებრივი ჯგუფი ყაჩაღობითა და ფულის გათეთრებით იყო დაკავებული.
