რუსეთი აგრძელებს აგრესიულ ქმედებებს მეზობელი ქვეყნების მიმართ, ის სხვა ქვეყნების საარჩევო პროცესში ერევა და არადემოკრატიული იდეების სტიმულირებას ახდენს. ამის შესახებ აშშ სახელმწიფო მდივანმა ვუდრო ვილსონის სახელობის სამეცნიერო ცენტრში გამოსვლისას გააკეთა. რექს ტილერსონის თქმით, არსებული სირთულეების ფონზე, დასავლეთი რუსეთთან ახალი, პროდუქტიული ურთიერთობის დამყარებას ცდილობს, თუმცა მოსკოვთან პროდუქტიული ურთიერთობები ჯერ- ჯერობით მხოლოდ ილუზიაა. სახელმწიფო მდივანმა რუსეთის აგრესიაზე საუბრისას საქართველოც ახსენა.
