ჰააგის ტრიბუნალის მიერ ბოსნიელ სერბთა ყოფილი მეთაურისთვის გამოტანილ განაჩენს ოფიციალური მოსკოვი ეხმაურება. საგანგებო განცხადება რუსეთის საგარეო საქმეთა სამინისტროს წარმომადგენელმა მარია ზახაროვამ გააკეთა. მისი თქმით, რატკო მლადიჩისთვის სამუდამო პატიმრობის მისჯით საერთაშორისო სასამართლომ მიკერძოებული და პოლიტიზირებული გადაწყვეტილება მიიღო. გენერალ მლადიჩს ბრალი გენოციდსა და კაცობრიობის წინაშე ჩადენილ დანაშაულში დასდეს.
