გერმანიის ფედერალურმა კანცლერმა ანგელა მერკელმა განაცხადა, რომ ქვეყანაში ახალ საყოველთაო არჩევნებს უფრო დათანხმდება, ვიდრე სუსტი მმართველი კოალიციის შექმნას.
BBC-ის ინფორმაციით, სწორედაც რომ არჩევნებში ხედავს კანცლერი კრიზისიდან გამოსვლის გზას, რომელსაც გერმანიის პრეზიდენტმა შტაინმაიერმა, ბოლო 70 წლის განმავლობაში ყველაზე მასშტაბური უწოდა. ახალი არჩევნები - უკეთესია ვიდრე უმცირესობის ხელისუფლება", - აცხადებს მერკელი.
გერმანიაში საპარლამენეტო არჩევნები 24 სქტემბერს ჩატარდა.
მმართველი კოალიციის შექმნის საკითხზე 2-თვიანი მოლაპარაკებები ბერლინში უშედეგოდ დასრულდა. „თავისუფალმა დემოკრატებმ“ და „მწვანეთა პარტიამ“ კოალიციაში გაერთიანებაზე უარი განაცხადეს.
ექსპერტების შეფასებით, ვითარებიდან გამოსვლის რამდენიმე ვარიანტი არსებობს, თუმცა ამ ეტაპზე გერმანიაში შექმნილი მდგომარეობა ევროკავშირში მერკელის, როგორც ავტორიტეტის იმიჯს ასუსტებს. აღსანიშნავია, რომ გერმანიის კონსტიტუცია, მმართველი კოალიციის შექმნის ვადას არ ზღუდავს, ამიტომ ანალიტიკოსები არ გამორიცხავენ, რომ მერკელმა კოალიციის შექმნაზე მოალაპარაკებები „თავისუფალ დემოკრატებთან“ ხელახლა გამართოს.
