არგენტინაში შრომის ბაზარზე მოსალოდნელ ცვლილებებსა და საპენსიო რეფორმებს აპროტესტებენ, რომელთა ინიციატორიც პრეზიდენტია. ბუენოს აირესში ხალხმრავალი აქცია არგენტინის სოციალური უსაფრთხოების ადმინისტრაციის პროფკავშირების ორგანიზებით გაიმართა. პროფკავშირების ლიდერების განცხადებით, შრომითი ხელშეკრულებების შეცვლა დაქირავებულებს დაუცველებს გახდის. პრეზიდენტ მაურისიო მაკრის მიერ ინიცირებული რეფორმები, დაქირავებული მუშახელისგან განსხვავებით, ინვესტორებს მოსწონთ, რადგანაც პაკეტი საექსპორტო გადასახადების შემცირებასაც ითვალისწინებს.
