რუსული მხარე ირწმუნება, რომ უკრაინულმა უპილოტო თვითმფრინავმა ქვეყნის საჰაერო სივრცე დაარღვია. ოფიციალური მოსკოვის განცხადებით, თვითმფრინავმა ბრიანსკის საზღვარი გადაკვეთა, რაც რუსულ მხარესთან შეთანხმებული არ იყო. ინციდენტს მწვავე შეფასება მოჰყვა რუსეთის ფედერაციის საბჭოში. თავდაცვის კომიტეტის თავმჯდომარემ ვიქტორ ბონდარევმა უკრაინული მხარე პროვოკაციაში დაადანაშაულა და არ გამორიცხა, რომ მომხდარში ამერიკული მხარეც იყოს ჩართული.
