ევროკავშირმა ვენესუელას სანქციები დაუწესა. შესაბამისი გადაწყვეტილება ბრიუსელში ევროკავშირის ქვეყნების საგარეო საქმეთა მინისტრებმა მიიღეს.
სანქციების თანახმად, იკრძალება ვენესუელისთვის იარაღისა და ნებისმიერი აღჭურვილობის მიწოდება, რომელიც შესაძლოა ქვეყნის შიგნით რეპრესიებისთვის გამოიყენონ. აკრძალვა ეხება ელექტრონული დაზვერვის აპარატურასაც.
ევროკავშირს ასევე უფლება აქვს, ინდივიდუალური სანქციები დააწესოს, როგორიცაა ევროკავშირის ქვეყნებში შესვლის აკრძალვა და საბანკო აქტივების გაყინვა.
