სლოვენიაში გამართულ საპრეზიდენტო არჩევნებში ქვეყნის მოქმედი პრეზიდენტი ბორუტ პახორი ლიდერობს. მას ელექტორატის 47-პროცენტიანი მხარდაჭერა აქვს. წინასწარი მონაცემებით, პახორის მთავარმა კონკურენტმა, ქალაქ კამნიკის მერმა მარიან შარეცმა ხმების მხოლოდ 22 პროცენტი მოიპოვა. სლოვენიაში პრეზიდენტს 5 წლის ვადით ირჩევენ. ექსპერტები მეორე ტურს არ გამორიცხავენ. საბოლოო გამარჯვების შემთხვევაში ბორუტ პახორი პრეზიდენტის პოსტს მეორე ვადით დაიკავებს.
