პირველ რიგში სამწუხაროა, რომ „ქართული ოცნება“ მოვიდა მმართველობაში, - ამის შესახებ „ევროპული საქართველოს“ თბილისის მერობის კანდიდატმა ელენე ხოშტარიამ განაცხადა.
მისი თქმით, „ქართული ოცნების“ კანდიდატის გამარჯვება იქნება უკან გადადგმული ნაბიჯი ქვეყნისთვის.
„პირველ რიგში სამწუხაროა, რომ „ქართული ოცნება“ მოვიდა მმართველობაში. არა ჩვენთვის პიროვნულად ან პარტიულად, არამედ ქალაქისთვის, იმიტომ, რომ ჩვენ მიგვაჩნია, რომ ეს იქნება კიდევ ერთი უკან გადადგმული ნაბიჯი. ამასთანავე ჩვენთვის, "ევროპული საქართველოსთვის", როგორც ახლად შექმნილი პარტიისთვის ძალიან მნიშვნელოვანია, რომ ამდენმა ადამიანმა გამოგვიცხადა ნდობა და მე მინდა სათითაოდ ყველას მადლობა ვუთხრა და გამოვხატო, რომ ჩვენ ძალიან დიდ პასუხისმგებლობას ვგრძნობთ თითოეული ამ ადამიანის წინაშე,“ - განაცხადა ელენე ხოშტარიამ, რომელმაც აქვე აღნიშნა, რომ „ევროპული საქართველო“ მზარდ არის ხვალიდან შეუდგეს გაორმაგებული ძალებით მუშაობას, რადგან პარტია პასუხისმგებლობას გრძნობს საქართველოს თითოეულ მოქალაქეზე.
