თბილისის მერობის დამოუკიდებელ კანდიდატ ალეკო ელისაშვილს, რომელსაც "რუსთავი2"-ის დაკვეთით ჩატარებული ეგზიტპოლის წინასწარი შედეგების მიხედვით, ამომრჩევლის ხმათა 14-მა %-მა დაუჭირა მხარი, აღნიშნული მონაცემების არ სჯერა.
მისი აზრით, არჩევნების, დაახლოებით, 10 პროცენტიანი გაყალბება მოხდა.
„ეგზიტპოლების და რაღაც ანეკდოტების, სიმართლე გითხრათ, არ მჯერა,“ - განაცხადა ელისაშვილმა.
მისივე შეფასებით, ტრადიციულად, ჩვენთან ეგზიტპოლები ძალიან აცდენილია ხოლმე რეალობას.
"არჩევნები იმისთვის ტარდება, ბიულეტენები იმისთვის იყრება, ურნა იმისთვის არსებობს, დამკვირვებლები და ხმის დამთვლელები იმისთვის არიან, რომ საბოლოო შედეგები მათგან გავიგოთ. მე პასუხისმგებლობით და სერიოზულად ვუყურებ ამ პროცესს და პრემიერმინისტრისა და სხვა მჩატე პოლიტიკოსებისგან განსხვავებით, ოფიციალურ შედეგებს ველოდები,“ - განაცხადა ალეკო ელისაშვილმა და დასძინა, რომ საარჩევნო პროცესი „ამაზრზენად“ მიმდინარეობდა.