მოსალოდნელია მთელ რიგ მუნიციპალიტეტებში მეორე ტურები, მაგრამ ესეც არის დემოკრატიული პროცესის ნაწილი, – ამის შესახებ საქართველოს პარლამენტის თავმჯდომარე ირაკლი კობახიძე ეგზიტპოლების პირველადი შედეგის გამოქვეყნების შემდეგ განაცხადა.
მისი თქმით, მთელი ქვეყნის მასშტაბით „ქართული ოცნება“ დამაჯერებლად ლიდერობს.
„ყველა მუნიციპალიტეტზე შეიძლება ეს ითქვას. რა თქმა უნდა, მოსალოდნელია მთელ რიგ მუნიციპალიტეტებში მეორე ტურები, მაგრამ ესეც არის დემოკრატიული პროცესის ნაწილი. ზოგადად, შეიძლება ითქვას, რომ „ქართული ოცნება“ ლიდერობს დამაჯერებლად ყველა მუნიციპალიტეტში“, – განაცხადა ირაკლი კობახიძემ .
