" მთელ საქართველოს მინდა მივულოცო არჩევნების მშვიდობიან და თავისუფალ გარემოში ჩატარება", - ამის შესახებ საქართველოს პრემიერმინისტრმა, გიორგი კვირიკაშვილმა საარჩევნო უბნების დახურვის შემდეგ განაცხადა.
პრემიერის შეფასებით, დღევანდელი არჩევნები დემოკრატიისკენ გადადგმული კიდევ ერთი ნაბიჯია.
”პირველ რიგში მთელ საქართველოს მინდა მივულოცო არჩევნების მშვიდობიან და თავისუფალ გარემოში ჩატარება.
ეს არის დემოკრატიისკენ გადადგმული კიდევ ერთი ნაბიჯი. მადლობას ვუხდი თითოეულ ამომრჩეველს აქტივობისთვის და მაღალი სამოქალაქო კულტურისთვის”, - განაცხადა პრემიერმა.
