ხელისუფლებას კვლავ განზრახული აქვს მარნეულში არეულობა და ხალხისთვის არჩევანის წართმევა, - ამის შესახებ „ევროპული საქართველოს“ ლიდერმა დავით ბაქრაძემ განაცხადა, რითაც ის მარნეულში სპეცდანიშნულების რაზმის ჩაყვანას გაემოეხმაურა.
ბაქრაძის თქმით, წინასწარი მონაცემის თანახმად, იმამკულიევი იმარჯვებს მარნეულში.
„ეს ყველაფერი გვაგონებს კარგად ნაცნობ სქემას, როდესაც 2016 წელს მარნეულში გამარჯვებულ მაშინდელ ოპოზიციის კანდიდატს ახმედ იმამკულიევს ძალადობით, არეულობის პროვოცირებით და ზეწოლით მოპარეს დამსახურებული გამარჯვება. ყველა წინასწარი მონაცემის თანახმად, იმამკულიევი იმარჯვებს მარნეულში, ამიტომ „ევროპული საქართველოს“ ამოცანაა არ მივცეთ მარნეულში არავის არეულობის საშუალება, ჩავატაროთ მშვიდი არჩევნები და გაიმარჯვოს იმ კანდიდატმა, რომელსაც მხარს უჭერს ადგილობრივი მოსახლეობა“, - განაცხადა დავით ბაქრაძემ.
