ხმა მივეცი იმ რწმენის დაბრუნებას, რომ ჩვენი ქალაქი ჩვენვე შეგვიძლია გავხადოთ მოხერხებული, სამართლიანი, ადამიანებზე ორიენტირებული, - ამის შესახებ „ევროპული საქართველოს“ თბილისის მერობის კანდიდატმა ელენე ხოშტარიამ განაცხადა, რომელმაც ხმა ვაკის N12 საარჩევნო უბანზე 08:30 საათზე მისცა.
მისი თქმით, ის გულანთებულია მანდატის მისაღებად.
„პირველ რიგში, ხმა მივეცი იმ რწმენის დაბრუნებას, რომ ჩვენი ქალაქი ჩვენვე შეგვიძლია გავხადოთ მოხერხებული, სამართლიანი, ადამიანებზე ორიენტირებული და იმ ხედვას, რომელიც მგონია, რომ ამას სწორად მოიტანს და ძალიან გულანთებული ვარ იმისთვის, რომ ეს მანდატი მივიღო და შევუდგე საქმის კეთებას“, - განუცხადა ხოშტარიამ ჟურნალისტებს.
ცნობისთვის, საქართველოში თვითმმართველობის არჩევნები მიმდინარეობს. მოქალაქეები მთელი ქვეყნის მასშტაბით 64 საკრებულოს 2 058 დეპუტატს და 64 მერს პირდაპირი წესით, 4 წლის ვადით აირჩევენ.
