"ბეჭდვითი მედიისათვის შეღავათები, რომელიც დღეს არსებობს არ შეიცვლება", - ამის შესახებ პარლამენტის თავმჯდომარემ დავით ბაქრაძემ დღეს ბიუროს სხდომაზე განაცხადა.
როგორც ბაქრაძემ აღნიშნა, ბოლო დღეებში შეშფოთება იყო გამოთქმული, რომ ახალი საგადასახადო კოდექსით ბეჭდვითი მედიისათვს პირობები მძიმდება და იმ შეღავათების გაუქმება დიდი ტვირთი იქნება, რასაც პრესა ვერ გაუძლებს.
"ბეჭდვითი მედიისათვის საგადასახადო გარემოს დამძმება არ იგეგმება და არ მკაცრდება საგადასახადო ტვირთი. ხაზგასმით ვაცხადებ, რომ დარჩება იგივე რეჟიმი და შეღავათები რაც იყო აქამდე", - განაცხადა ბაქრაძემ.
ამასთან, პარლამენტის თავმჯდომარემ საფინანსო საბიუჯეტო კომიტეტის თავმჯდომარეს ზურაბ მელიქიშვილს საგანგებო დავალება მისცა, რომ კომიტეტის სხდომაზე ახალი საგადასახადო კოდექის განხილვისას პარლამენტში გაეთების რედაქტორები მოიწვიონ, რათა აღნიშნული საკითხი მათთან ერთად მოგვარდეს.
"ეს არის საჭირო იმისთვის, რომ არ დარჩეს არანაირი კითხვის ნიშნები იმასთან დაკავშირებით, რომ დღეს გაზეთების არსებობას რაიმე საფრთხე ემუქრება. ხელისუფლების პოზიციაა მედიის მხარდაჭერაა და ეს სხვადასხვა მიმართულებით აისახება. ერთის მხრივ ტელევიზიებისთვის გამოცხადდება საგადასახადო ამინისტია და ამ ფონზე გაზეთებისათვის რაიმ ტვირთის დამძიმება წარმოუდგენელიც კი იქნებოდა", - აცხადებს დავით ბაქრაძე.
ზურაბ მელიქივშილის განმარტებით, კი საფინანსო საბიუჯეტო კომიტეტი აღნიშნულ საკითხზე ხვალ იმსჯელებს. შესაბამისად მოწვევები გაეგზავნებათ გაზეთის რედაქტორებსაც, თუმცა ჯერჯერობით არ კონკრეტდება კომიტეტის სხდომა რომელ საათზე გაიმართება.
