„ქართული ოცნების“ ერთადერთი მიზანია, გააჩეროს ამ ქვეყნის დემოკრატიული პრინციპები, შეაჩეროს ყველაფერი, რაც დემოკრატიას ემსახურება, ადამიანის უფლებები და ევროპასთან ინტეგრაცია, – ამის შესახებ „კოალიცია ცვლილებებისთვის“ წევრმა, გიორგი ბუტიკაშვილმა განაცხადა.
„ცოტა სასაცილოა, მაგრამ „ფარა“ მე ვიცი ცხვრების, რომლებიც დღეს სხედან პარლამენტში და ცდილობენ, რუსულ კანონს გადაარქვან სახელი, ახალი სახელი დაარქვან და ასე მოატყუონ საზოგადოება. რეალურად, ჩვენ ხომ ვიცით, რომ „ქართული ოცნების“ ერთადერთი მიზანია, გააჩეროს ამ ქვეყნის დემოკრატიული პრინციპები, შეაჩეროს ყველაფერი, რაც დემოკრატიას ემსახურება, ადამიანის უფლებები და ევროპასთან ინტეგრაცია. ისინი „ფარას“ დაარქმევენ ამას თუ ცხვრის ფარას, ეს არის, რაც მათ უნდათ – გააჩერონ ყველაფერი, რაც დემოკრატიულია ამ ქვეყანაში“, – პირველი არხის ცნობით, განაცხადა გიორგი ბუტიკაშვილმა.
