აშშ-ის პრეზიდენტის დონალდ ტრამპის სპეციალური წარმომადგენელი უკრაინასა და რუსეთში კიტ კელოგი 14-16 თებერვალს მიუნხენის უსაფრთხოების კონფერენციაზე არ წარადგენს სამშვიდობო გეგმას, როგორც ამას მანამდე მედია ავრცელებდა. კელოგმა ამის შესახებ Newsmax-ის ეთერში განაცხადა.
5 თებერვალს, Bloomberg-ის წყაროებმა განაცხადეს, რომ ტრამპის ადმინისტრაცია მომავალ კვირას მიუნხენის უსაფრთხოების კონფერენციაზე წარადგენს გეგმას რუსეთის წინააღმდეგ ომის დასრულების შესახებ.
მათი თქმით, გეგმის მოსალოდნელ ელემენტებს შორის არის კონფლიქტის პოტენციური გაყინვა და რუსეთის მიერ ოკუპირებული ტერიტორიის განუსაზღვრელი სტატუსი, ამავდროულად უკრაინის უსაფრთხოების დაუზუსტებელი გარანტიების მიცემა.
თუმცა, 6 თებერვლის გადაცემის ეთერში, კელოგმა განაცხადა, რომ ტრამპი არ წარადგენს სამშვიდობო გეგმას, ხოლო ჟურნალისტები, რომლებმაც აღნიშნული ინფორმაცია გაავრცელეს, კელოგს არ დაკავშირებიან.
"მე საერთოდ არ მილაპარაკია მედიასთან. თქვენ იცით, რომ პირი, რომელიც აპირებს სამშვიდობო გეგმის წარდგენას, არის შეერთებული შტატების პრეზიდენტი დონალდ ტრამპი", - თქვა მან.
კელოგმა დარწმუნებით თქვა, რომ გეგმის წარდგენა მომავალ კვირას არ მოხდება.
