მთავრობა ბიზნეს მიმდინარე წლის მაკროეკონომიკური მაჩვენებლებსა და ეკონომიკური განვითარების ტემპს აცნობს. ამ მიზნით დღეს სასტუმრო "შერატონ მეტეხი პალასში" "ბიზნეს ასოციაციის" წევრები შეიკრიბნენ და პრემიერ-მინისტრის მთავარი მრჩევლიასგან ქვეყანაში მიმდინარე ეკონომიკური პროცესების შესახებ დეტალური ინფორმაცია მოისმინეს.
ბიზნესი აცნობიერებს, რომ დღევანდელ ვითარებაში ინვესტიციების მოზიდვა მთავრობას გაუჭირდება, თუმცა დარწმუნებულია, რომ კერძო სექტორთან აქტიური თანამშრომლობით ქვეყანაში დამატებითი უცხოური კაპიტალის შემოსვლა შესაძლებელია.
"დღეს ბიზნესში გაცილებით უკეთესი მდგომარეობაა ვიდრე გასული წლის პირველ კვარტალში. არის დარგები სადაც გაუმჯობესება სახეზეა, თუნდაც სამშენებლო და საბანკო სექტორში. ამ მხრივ კარგი მდგომარეობაა ასევე ვაჭრობის სექტორშიც. მაგრამ არის სექტორები, სადაც რთული ვითარებაა.
პრობლემები ბევრია. ევროპასა და ამერიკაში ბიზნეს სერიოზული პრობლემები აქვს, რაც საქართველოზე პირდაპირ აისახება. თუმცა ვიმედოვნებ, რომ სირთულეები დაიძლევა, რაზეც მთავრობა აქტიურად მუშაობს. დღეს პრეზიდენტი და პრემიერმინისტრი თავად ხვდებიან ინვესტორებს, რაც მნისვნელოვანია ფაქტორია. გასულ წლებში მე იშვიათად მესმოდა თუნდაც პრეზიდენტისაგან და პრემიერ-მინისტრისაგან, რომ ისინი პირადად დადიოდნენ და ინვესტორებს ხვდებოდნენ, რადგანაც სხვა თემებზე იყვნენ გადართულნი. ინვესტიციების მოზიდვაში
პრეზიდენტისა და პრემიერ-მინისტრის ჩართულობა მნიშვნელოვანია, თუმც რამდენს მოიზიდავენ ეს სხვა თემაა. არსებულ ვითარებაში ინვესტიციების მოზიდვა რთულია"- აცხადებს ბიზნეს ასოციაციის პრეზიდენტი გიორგი ჭირაქაძე.
პრემიერ-მინისტრის მთავარი მრჩევლი, ვახტანგ ლეჟავა ამბობს, მთავრობას ქვეყნის ეკონომიკურ მაჩვენებელზე განსხვავებული გათვლები ქონდა თუმცა მიმდინარე პროცესების შედეგად გამოიკვეთა რომ 2010 წლის ეკონომიკის ზრდა 4.5 %-ი იქნება.
"ეს შეხვედრები არის რეგულარული და ჩვენ ბიზნესის წარმომადგენლებს პერმანენტულად ვხვდებით. ბიზნესისთვის მნიშვნელოვანია იცოდეს მიმდინარე კვარტლის ეკონომიკური მაჩვენებლები. საინტერესოა ასევე თავად ბიზნესის ხედვა იმ ეკონომიკურ პროცესებზე, რომელიც ქვეყანაში ვითარდება. თუმცა გეტყვით, რომ ეკონომიკური ზრდის დინამიკა უკეთესია ვიდრე ამას გასულ წელს წარმოვიდგენდით. წინასწარი პროგნოზით 2010 წლის ეკონომიკური ზრდა 4,5 %-ს მიაღწევს"- აცხადებს ვახტანგ ლეჟავა