საქართველოს პრეზიდენტის მიხეილ სააკაშვილის განცხადებით, სოფლის მეურნეობაში გენმოდიფიცირებული პროდუქტი ეკოლოგიურად ჯანსაღი პროდუქტით უნდა ჩანაცვლდეს.
ამის შესახებ სააკაშვილმა დღეს რუსთაველის თეატრში ვაზისა და ღვინის 33-ე მსოფლიო კონგრესი გახსნაზე სიტყვით გამოსვლისას განაცხადა.
"ჩვენ უნდა ვეცადოთ, რომ ის შეცდომა თავიდან ავიცილოთ, რომელიც სხვა ქვეყნებმა დაუშვეს და გენმოდიფიცირებული პროდუქცია საკუთარ ქვეყნებში იმიტომ შეიტანეს, რომ უფრო იაფი და ხელმისაწვდომი იყო. საქართველო პატარა ქვეყანაა და ამიტომ ჩვენ მისი მიწის თითოეული კვადრატული მეტრის სწორად გამოყენება უნდა შევძლოთ", - - განაცხადა სააკაშვილმა.
მისივე თქმით, მის პრეზიდენტობამდე საქართველოში მიწები თითქმის დაუმუშავებელი იყო, ხოლო დღეს მოსახლეობამ სასოფლო-სამეურნეო სავარგულების სრულად ათვისება დაიწყო.
"საქართველო არის ღვინის სამშობლო. დღევანდელი კონგრესიც სწორედ ჩვენი ღვინის პოპულარიზაცია და მსოფლიოს წინაშე წარდგენას ემსახურება. დღეს ჩვენი ქვეყნის სოფლის მეურნეობაში მთავარი პროდუქცია ღვინოა", - განაცხადა სააკაშვილმა.
შეგახსენებთ, რომ ამ წუთებში შოთა რუსთაველის სახლობის სახელმწიფო აკადემიურ თეატრში ღვინის სფეროში ერთ-ერთ ყველაზე მასშტაბურ და პრესტიჟულ ღონისძიება - ვაზისა და ღვინის 33-ე მსოფლიო კონგრესი მიმდინარეობს.
