რუსეთის საგარეო საქმეთა მინისტრის მოადგილე გრიგორი კარასინი აშშ სახელმწიფო მდივნის მოადგილეს ფილიპ გორდონს შეხვდა. ინფორმაციას ამის შესახებ რუსეთის საგარეო საქმეთა სამინისტრო ავრცელებს.
მათივე ინფორმაციით, შეხვედრაზე ჟენევის საერთაშორისო მოლაპარაკებათა მიმდინარეობა, კავკასიაში არსებული სიტუაცია და ძალის გამოუყენებლობის შესახებ საკითხები განიხილებოდა.
"რუსული მხრიდან ყურადღება გამახვილდა, რაც შეიძლება სწრაფად, იურიდიულად სავალდებულო დოკუმენტის გაფორმების აუცილებლობაზე და ქართული, აფხაზური და ე.წ. სამხრეთოსური მხრიდან ამ ხელშეკრულებასთან დაკავშირებული ცალმხრივი დეკლარაციების მიღებაზე", _ იუწყება რუსეთის საგარეო საქმეთა სამინისტრო.
