ცხინვალის მარიონეტული რეჟიმის ლიდერის ე.წ. სპეციალური წარმომადგენელის ბორის ჩოჩიევის განცხადებით, საქართველოს ამერიკის ინიციატივით ჟენევის მოლაპარაკებების ჩაშლა უნდა.
"იმ შემთხვევაში თუ ჩვენ არ გვექნება გარანტია ძალის გამოუყენებლობასთან დაკავშირებით ჟენევის მოლაპარაკებების გაგრძელებას აზრი არ აქვს. ფაქტიურად ჩიხში ვართ. ომი ამერიკამ დაიწყო, უფრო სწორედ საქართველომ ამერიკის მხარდაჭერით. ასევე ამერიკის ინიციატივით ქართულ მხარე უნდა ჟენევის მოლაპარაკებების გაუქმება. რაზე უნდა ვიმსჯელოთ დევნილებზე? არა! ჰუმანიტარულ საკითხებზე? არა, არც ამაზე", - განაცხადა ჩოჩიევმა.
მისივე შეფასებით, თუ არ ექნებათ გარანტია, რომ სააკაშვილი მათ წინააღმდეგ ძალას გამოყენებს, მაშინ მოლაპარაკებები აზრს კარგავს.
შეგახსენებთ, რომ 2008 წლის რუსეთ-საქართველოს ომის დროს საფრანგეთის პრეზიდენტის ნიკოლა სარკოზის შუამავლობით "ცეცხლის განუახლებლობის შესახებ" რუსული და ქართულ მხარებს შორის შეთანხმება გაფორმდა. დოკუმენტში აღნიშნულია, რომ მხარეებს ძალია გამოუყენებლობაზე თანხმდებიან, ასევე რუსეთის ჯარები 2008 წლის 7 აგვისტომდე მდგომარეობას უნდა დაუბრუნდნენ.
12 აგვისტოს სარკოზი-მედვედევის შეთანხმების შესრულებაზე რუსული მხარე ამ დრომდე უარს აცხადებს.
აღსანიშნავია, რომ ქართული მხარე რუსეთთან თავდაუსხმელობის შესახებ დამატებითი ხელშეკრულების გაფორმებაზე მზადყოფნას აცხადებს, თუმცა აფხაზეთის და ცხინვალის სეპარატისტულ რეჟიმებთან რაიმე სახის შეთანხმებაზე კატეგორიულ უარს აცხადებს.
ჟენევის საერთაშორისო დისკუსიების მე-11 რაუნდი კვლავ უშედეგოდ დასრულდა, შემდგომი რაუნდი კი ივლისის ბოლოსა არის დაგეგმილი.