ჟენევის საერთაშორისო მოლაპარაკების მე-11 რაუნდი უშედეგოდ დასრულდა. შეხვედრაში მონაწილე მხარეებმა კვლავ ვერ შეძლეს უსაფრთხოების საკითხებზე პოზიციების შეთანხმება, თუმცა აცხადებენ, რომ დისკუსიების გაგრძელება აუცილებელია.
ქართული დელეგაციის ხელმძღვანელის, საგარეო საქმეთა მინისტრის პირველი მოადგილის გიგა ბოკერიას განცხადებით, მოლაპარაკებებზე არსებითი წინსვლაზე საუბარი ჯერ ზედმეტია.
"კარასინმა მედიასთან "გამოასწორა" ძალიან მძიმე შეცდომა, რომელიც დისკუსიის დროს მისი მხრიდან იქნა დაშვებული. ამას წამოსცდა, რომ 2008 წლის 12 აგვისტოს შეთანხმება არ არსებობს. შემდეგ კი, მედიასთან საუბრისა მის არსებობა დადასტურა, თუმცა აღნიშნა, რომ გაუმჯობესება სჭირდება. ჩვენი პოზიცია ყველასთვის ნათელია. ჩვენი პოზიციაა - 12 აგვისტოს შეთანხმება არა თუ არსებობს, არამდე ის არის ჟენევის მოლაპარაკებების საფუძველი", - განაცხადა ბოკერიამ საერთაშორისო დისკუსიების დასრულების შემდეგ.
მისივე თქმით, 12 აგვისტოს შეთანხმება მხარებს ძალიან მკაფიოდ ავალდებულებს ძალიას გამოუყენებლობას, ხოლო რუსეთს საქართველოს ტერიტორიებიდან ჯარების გაყვანას.
ჟენევის დისკუსიების მე-12 რაუნდი ივლისში გაიმართება.
