თურქეთის პრეზიდენტის განცხადება იმის შესახებ, რომ სირიაში სამხედრო ოპერაციის მიზანი ასადის რეჟიმის დამხობაა, მოსკოვისთვის მოულოდნელი აღმოჩნდა. ამის შესახებ კრემლის პრეს-მდივანმა დიმიტრი პესკოვმა განაცხადა.
„ერდოგანის განცხადება სრულ წინააღმდეგობაში მოდის მის წინამორბედ განცხადებებთან და რუსული მხარის პოზიციასთან, რადგანაც ჩვენი შეიარაღებული ძალები სირიაში სწორედ მოქმედი ხელისუფლების თხოვნით იმყოფებიან,“_აღნიშნა პესკოვმა.
მოსკოვის შეშფოთება ერდოგანის მოულოდნელ განცხადებას მოჰყვა. თურქეთის ლიდერმა ღიად განაცხადა, რომ თურქეთის მიერ სირიაში დაწყებული სამხედრო ოპერაციის, „ევფრატის ფარის“ მიზანი ასადის რეჟიმის დამხობაა.
