ჰილარი კლინტონი თავს გაცილებით უკეთ გრძნობს. ამის შესახებ პრეზიდენტობის დემოკრატმა კანდიდატმა ტელეკომპანია სი-ენ-ენი-სთვის მიცემულ სატელეფონო ინტერვიუში განაცხადა. კლინტონის თქმით, ის ჯანმრთელობასთან დაკავშირებულ პრობლემებზე აქამდე იმიტომ არ საუბრობდა, რომ ავადმყოფობას დიდ ყურადღებას არ აქცევდა. „სამწუხაროდ, არც ექიმის რჩევა გავითვალისწინე და რამდენიმედღიანი შვებულება არ ავიღე,“-აღნიშნა ყოფილმა სახელმწიფო მდივანმა. მეუღლის ავადმყოფობაზე საუბრობს ამერიკის ყოფილი პრეზიდენტი ბილ კლინტონიც, რომლის თქმითაც პრეზიდენტობის დემოკრატ კანდიდატს ჯანმრთელობის პრობლემები ადრეც ჰქონდა.
