ჰილარი კლინტონის საარჩევნო შტაბი აცხადებს, რომ პრეზიდენტობის კანდიდატის ჯანმრთელობის შესახებ დეტალურ ინფორმაციას გამოაქვეყნებს. ამის შესახებ კლინტონის თანაგუნდელმა ბრაიან ფელონმა განაცხადა. მისივე თქმით, პრეზიდენტობის დემოკრატ კანდიდატს პნევმონიის გარდა არანაირი სხვა დაავადება არ აწუხებს. კლინტონის ჯანმრთელობის საკითხი აქტუალური მას შემდეგ გახდა, რაც 11 სექტემბრის ტერაქტის მსხვერპლთა ხსოვნის ღონისძიებაზე მოულოდნელად შეუძლოდ გახდა. ექიმებმა მას პნევმონიის დიაგნოზი დაუსვეს.
