პრეზიდენტობის რესპუბლიკელი კანდიდატი დონალდ ტრამპი ჰილარი კლინტონს სწრაფად გამოჯანმრთელებას უსურვებს. ამის შესახებ მან ტელეკომპანია Fox News-სთვის მიცემულ ინტერვიუში განაცხადა.
„იმედი მაქვს, ის მალე გამოჯანმრთელდება, საარჩევნო კამპანიას დაუბრუნდება და დებატებშიც მალე ვიხილავთ,“-აღნიშნა ტრამპმა.
მილიარდერმა საკუთარი შტაბის წევრებს კლინტონის ავადმყოფობაზე საუბარი აუკრძალა და წინააღმდეგ შემთხვევაში სამსახურიდან დათხოვნით დაემუქრა.
დღეს დილით ცნობილი გახდა, რომ პრეზიდენტობის დემოკრატ კანდიდატს პნევმონიის დიაგნოზი დაუდგინეს. 11 სექტემბრის ტრაგედიის მსხვერპლთა ხსოვნისადმი მიძღვნილ ღონისძიებაზე კლინტონი შეუძლოდ გახდა. ავადმყოფობის გამო მან კალიფორნიაში დაგეგმილი ვიზიტები გადადო.
