აბანოთუბანის მიმართულებით კიდევ ერთი ახალი გვირაბის მშენებლობა დაიწყება.
ამის შესახებ საქართველოს პრეზიდენტმა მიხეილ სააკაშვილმა საცურაო აუზ "ოლიმპიკში" საქართველო-უკრაინას შორის გამართულ წყალბურთის შეჯიბრზე განაცხადა, რომლიც ქართველობის გამარჯვებით 10:8 დასრულდა.
"ბოლო ასეთი გვირაბი, რომელიც დღეს გავხსენით, 70-იან წლებში გმირთა მოედანზე გაიხსნა. ასევე დაგეგმილი გვაქვს ახალი გვირაბის მშენებლობა აბათუბანის მხრიდან, ასევ დიდი, ახალი ხიდიც კეთდება. თბილისს ჩვენ ყველაზე კომფორტულ ქალაქად გავხდით. ძნელი წარმოსადგენია, რომ ამდენი პრობლემის მიუხედავად, იმ პირობაში როცა მსოფლიოში კრიზის მძვინვარებს, ყველაფერი წელების განმავლობაში ინგრეოდა და ომიდან ორი წელიც არ არის გასულა და ჩვენი ქვეყანა კიდევ შენდება. ეს ნამდვილი სასწაულია", - განაცხადა სააკაშვილმა და აქვე დასძია, რომ დედაქალაქის მშენებლობაში ყველზე დიდი წვლილი მოქმედ მერს გიგი უგულავას მიუძღვის.
ამასთან, პრეზიდენტმა წყალბურთის მატჩიც შეაფასა და აღნიშნა, რომ ასეთი ტურნირი საქართველოში 20 წელის აღარ ჩატარებულა.
