კანში ოთარ იოსელიანის ახალი ფილმის "შანტრაპას" პრემიერა გაიმართა. ფილმი არასაკონკურსო იყო. რუსული მედიისათვის მიცემულ ინტერვიუში რეჟისორი ოთარ იოსელიანი აცხადებს, რომ "მიუხედავად გატყავებული რუსული ჯარის საზიზღარი ქმედებებისა საქართველოში, ქართველ ხალხს რუსეთისადმი სიძულვილი არ აქვს".
"მიუხედავად რუსული გატყავებული ჯარის მოსვლის შემდეგ მათ მიერ განხორციელებული საზიზღარი ქმედებებისა და როგორც გაირკვა ეს იყვნენ მოროდიორები და მოძალადეები და შეუძლებელია არმია იყოს ასეთი _ საქართველოს სიძულვილი არ აქვს. აქვს, ვთქვათ თანაგრძნობა, როგორც სულელისადმი", _ აცხადებს იოსელიანი.
იოსელიანის ფილმის მთავარი გმირი, ახალგაზრდა მამაკაცი ნიკო თბილისში 1970-იანი წლების დაწყისში ფილმის გადაღებას იწყებს, მაგრამ პარტიას თავისი შეხედულებები აქვს მონტაჟზე და კინოხელოვნებაზე. მაშინ ნიკო უკვე საფრანგეთში მიდის კინოს გადასაღებად, თუმცა აქაც ადგილობრივ პროდიუსერებს თავისი შეხედულებები აქვთ მონტაჟსა და კინოხელოვნებაზე.
ოთარ იოსელიანი საფრანგეთში სამუშაოდ 1982 წელს წავიდა. იგი დღემდე არის რუსეთის კინემატოგრაფისტთა კავშირის ნამდვილი წევრი. კანის ფესტივალზე იგი მონაწილის და ჟიურის სტატუსითაა ნამყოფი.
რეჟისორი აცხადებს, რომ მისი ფილმი ზღაპარია და არავითარ შემთხვევაში არ არის ავტობიოგრაფია.
