"ალიანსი საქართველოსთვის" ლიდერები ირაკლი ალასანია, დავით გამყრელიძე, დავით უსუფაშვილი და სალომე ზურაბიშვილი ზუგდიდს სტუმრობენ.
ამომრჩევლებთან შეხვედრა დადიანისეული სასახლის ეზოში გაიმართა.
ირაკლი ალასანიამ ზუგდიდელ ამომრჩეველს 30 მაისს არჩევნებში აქტიურობისაკენ მოუწოდა.
როგორც თბილისის მერობის კანდიდატმა განაცხადა, სამეგრელო ყოველთვის აქტიურად მონაწილეობდა ქვეყნის პოლიტიკურ ცხოვრებაში და სწორედ ამიტომ გადაწყვიტა ადგილობრივ მოსახლეობასთან წინასაარჩევნო პერიოდში შეხვედრა.
"ნელ-ნელა უნდა მივაღწიოთ იმას, რომ ხელისუფლება არჩევნების გზით შევცვალოთ. 30 მაისს ამომრჩეველს შანსი ეძლევა, ცხოვრება უკეთესობისაკენ შეცვალოს", - დასძინა ირაკლი ალსანიამ.
მოსახლეობას არჩევნებში მონაწილეობისკენ მოუწოდეს მოძრაობის სხვა წევრებმაც.
"ალიანსი საქართველოსთვის" ლიდერები ზუგდიდში მოსახლეობასთან შეხვედრებს განაგრძობენ.
