უკრაინის პრემიერ-მინისტრმა ნიკოლაი აზაროვმა რუსეთის პრეზიდენტის დიმიტრი მედვედევის უკრაინაში ვიზიტის მთავარი შედეგი დაასახელა და განაცხადა, რომ მედვედევის ვიზიტი იძლევა საფუძველს იმისა, რომ უკრაინასა და რუსეთს შორის კეთილმეზობლური ურთიერთობები აღდგეს.
განცხადება ნიკოლაი აზაროვმა დღეს უკრაინის მთავრობის სხდომაზე გააკეთა.
"ვიზიტის შედეგები მოსალოდნელი იყო, იმიტომ რომ ყველაფერი საკმაოდ კარგად იყო მომზადებული ინტენსიური სახელმწიფოთაშორისი, მთავრობათაშორისი დიალოგის წარმოების გამო, რომელმაც საშუალება მოგვცა აღგვედგინა კეთილმეზობლური და ურთიერთხელსაყრელი ურთიერთობები უკრაინასა და რუსეთს შორის", _ განაცხადა აზაროვმა.
მისივე თქმით, დიმიტრი მედვედევის ვიზიტის მთავარი შედეგი იყო ასევე საფუძვლის ჩადება ყველა სფეროში ურთიერთობების თანდათანობით აღდგენის საკითხში.
"და რაც მთავარია ქვეყნის ხელმძღვანელობასა და ხალხებს შორის ნდობის აღდგენის საკითხში", _ აცხადებს უკრაინის პრემიერ-მინისტრი.
