რუსმა სამხედროებმა საჩხერის რაიონის სოფელ ჯრიას მახლობლად ორი ქართველი დააკავეს. ამის შესახებ ინფორმაციას მოძრაობა "სამართლიანი საქართველოსთვის" პრესსამსახური ავრცელებს.
ნოღაიდელის მოძრაობის ინფორმაციით, დაკავებულები: მურმან მაკაცარაშვილი და მირიან ბურჯენიძე მათი პარტიის აქტივისტები არიან.
"დაკავების მიზეზი გახდა ის, რომ მაკაცარაშვილს და ბურჯენიძეს თან არ ჰქონდათ პირადობის დამადასტურებელი დოკუმენტები", - განუცხადეს "ჯი-ეიჩ-ენს" ნოღაიდელის პარტიაში.
აღსანიშნავია, რომ სოფელ ჯრია რუსი აგრესორების მიერ ოკუპირებულ პერევს ესაზღვრება.
