რუსეთი ნატო-ს გაფართოების გეგმებს მტკივნეულად არ უნდა განიცდიდეს. ამის შესახებ აშშ-ის ყოფილმა სახელმწიფო მდივანმა, მადლენ ოლბრაიტმა ბრიუსელში განაცხადა, სადაც ე.წ ბრძენთა საბჭომ ნატო-ს ახალი სტრატეგიული კონცეფცია წარადგინა.
მისი თქმით, ნატო-ს ერთ-ერთი უმთავრესი მისია უსაფრთხო გარემოს დაცვაა.
"საჭიროა პარტნიორებთან თანამშრომლობა ისეთ შემთხვევაში, როდესაც ეკონომიკური პოლიტიკური და სამხედრო ღონისძიებების გატარება უკიდურესად აუცილებელია. ასევე საჭიროა კრიზისების პრევენცია და მათი თავიდან აცილება", - განაცხადა მან.
ობრაიტის განცხადებით, ისტორიისა და გეოგრაფიიდან გამომდინარე რუსეთის პოზიტიური როლის ბევრს ეეჭვება, თუმცა, საჭიროა რუსეთთან ევრიატლანტიკური ურთიერთობების აგება, რომელშიც დიდი ადგილი ტერორიზმის წინააღმდეგ ბრძოლას დაეთმობა.
"რუსეთი მტკივნეულად არ უნდა განიცდიდეს ნატოს გაფართოების გეგემბს, თავად უნდა გახდეს ღია და გამჭირვალე ყველა დონეზე თანაშრომლობისთვის", - განაცხადა აშშ-ის ყოფილმა სახელმწიფო მდივანმა.
მისი თქმით, ნატო არის ორგანიზაცია, სადაც გაწევრიანების აღრჩევანს თავად ქვეყნები აკეთებენ.
