აშშ-ს ხელისუფლება, რომელის დაჟინებით მოითხოვს მსოფლიოში აღიარებული რეჟისორის რომან პოლანსკის ექსტრადირებას, მის მიერ 33 წლის წინ ჩადენილი გაუპატიურების ახალი ფაქტის გამო მტკიცებულებებს იღებს.
ბრიტანელმა მსახიობმა შარლოტა ლიუსიმ პოლანსკის მის გაუპატიურებაში დასდო ბრალი.
როგორც მსახიობი განმარტავს პოლანსკიმ იგი 16 წლის ასაკში გააუპატიურა.
გავრცელებული ინფორმაციით, საგანგებოდ გამართულ პრესკონფერენციაზე მსახიობს არავითარ მტიკცებულებაზე არ უსაუბრია, თუმცა განაცხადა, რომ მან საქმის კურსში ჩააყენა ლოს-აჟელესის პროკურატურა.
შარლოტა ლიუსი პოლანსკიმ 1986 წელს გადაიღო ფილმში "მეკობრეები".
"ბატონმა პოლანსკიმ იცოდა, რომ მე 16 წლის ვიყავი, თუმცა პარიზში მის ბინაში შეხვედრისას თავს დამესხა", - განაცხადა მსახიობმა.
მისი თქმით, პოლანსკიმ ისარგებლა მისი უმწეობით და ახლა მის მიზანს წარმოადგენს ლოს-ანჟელესის პროკურატურას გაუმყაროს კინომატოგრაფის წინააღმდეგ წაყენებული ბრალდება.
"მე მინდა რომ სამართლიანობამ იზეიმოს", - განაცხდა შარლოტა ლიუსიმ.
შეგახსნებთ, რომ პოლანსკის ადვოკატების მცდელობის მიუხედავად, კალიფორნიის უმაღლესი სასამართლო საქმის ლოგიკურ დაბოლოებას ითხოვს და მის დახურვას არ აპირებს.
პოლანსკის ბრალი ედება 13 წლის სანამტა გეიმერის გაუპატიურებაში.
საქმის განხილვა, რომელიც გასული საუკუნის 70-იან წლებში დაიწყო იმის გამო შეფერხდა, რომ პოლანსკიმ 1978 წელს აშშ დატოვა და პოლონეთის მოქალაქეობის პარალელურად საფრანგეთის მოქალაქეობა მიიღო.
2009 წლის 26 სექტემბერს პოლანასკი შვეიცარიაში, ციურიხში აშშ-ის მოთხოვნის საფუძველზე დააკავეს. ამჟამად იგი 5 მილიონი შვეიცარული ფრანკის გირაოს სანაცვლოდ შინა პატიმრობაში იმყოფება.
