უკრაინის საგარეო საქმეთა მინისტრი კონსტანტინე გრიშენკო აცხადებს, რომ უკრაინა საქართველოს ტერიტორიულ მთლიანობის აღიარების საკითხის გადახედვას და აფხაზეთისა და ე.წ. სამხრეთ ოსეთის დამოუკიდებლობის აღიარებას არ აპირებს. განცხადება ამის შესახებ გრიშენკომ "კომერსანტ-უკრაინასთან" საუბრისას გააკეთა.
"ჩვენთვის საზღვრების ურღვეობისა და ტერიტორიული მთლიანობის აღდგენის საკითხი პრინციპულია. წერტილი", _ განაცხადა გრიშენკომ.
აღსანიშნავია, რომ უკრაინის ახლანდელი პრეზიდენტი ვიქტორ იანუკოვიჩი გამოვიდა ინიციატივით შემუშავდეს საერთაშორისო კრიტერიუმები აფხაზეთის, ე.წ. სამხრეთ ოსეთისა და სხვა ტერიტორიების დამოუკიდებლობის ასაღიარებლად.
