ევროკავშირის სადამკვირვებლო მისია ცხინვალის მარიონეტული რეჟიმის მიერ სამი ქართველის გათავისუფლებას მიესალმება.
აღნიშნულთან დაკავშირებით მისია სპეციალურ განცხადებას ავრცელებს.
მასში ასევე ევროკავშირის დამკვირვებელთა მისია იმედს გამოთქვამს, რომ ამ ნაბიჯს ცხინვალის მიერ დანარჩენი დაკავებული ქართველების გათავისუფლებაც მოჰყვება.
"მისია იმედოვნებს, რომ ეს არის დასაწყისი დე-ფაქტო სამხრეთ ოსეთის ხელისუფლების მიერ 2008 წლის კონფლიქტის შემდეგ სხვადასხვა ადმინისტრაციული მიზეზის გამო ყველა დაკავებულის გათავისუფლებისა", - ნათქვამია ევროპელი დამკვირვებლების მიერ 13 მაისს გავრცელებულ განცხადებაში.
შეგახსენებთ, რომ ცხინვალის მარიონეტულმა რეჟიმმა გუშინ ტყვეობაში მყოფი კიდევ სამი ქართველი გაათავისუფლა.
