დღეს, 13 მაისს, 13:00 საათზე, კულტურის, ძეგლთა დაცვისა და სპორტის მინისტრი ნიკოლოზ რურუა და საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი ნიკოლოზ ვაჩეიშვილი მცხეთის ისტორიულ ძეგლებს, კერძოდ სვეტიცხოვლეში მიმდინარე სარეაბილიტაციო სამუშაოსა და ბებრისციხის დამეწყრილ ტერიტორიას მოინახულებენ.
აღსანიშნავია, რომ ბებრისციხეზე დამეწყრილი ადგილები რაოდენობრივად გაიზარდა და ძეგლისთვის საშიში ახალი კერებიცაა გაჩენილი. ეროვნული სააგენტოს გეოლოგები ყოველდღიურ რეჟიმში კვლევას ახორციელებენ. უკვე მოძიებულია გასულ წლებში ჩატარებული გეოლოგიური კვლევის შედეგები, ხდება არსებული მასალი ანალიზი და შეჯერება უახლეს ინფორმაციასთან.
ბებრისციხის ჩემონგრევამდე, რამდენიმე ხნით ადრე დასრულდა სრული ტერიტორიის ტოპოგრაფიული აზომვა. ამ ეტაპზე ხორციელდება ხელახალი აზომვები, რაც სპეცილისტებს საშუალებებს მისცემს უახლოს მომავალში გარკვეული დასკვნები გამოაქვეყნონ. ეს კი გახლავთ წინაპირობა საპროექტო სამუშაოს დაწყებისთვის.
სვეტიცხოვლის ტაძარში რამდენიმე თვეა, ძეგლის სამგანზომილებიან სისტემით აზომვა და გეოლოგიური კვლევითი სამუშაო მიმდინარეობს.
